Kar thum chawl tur Mbappe

Kylian Mbappe chu a kerek hliam vangin kar thum chhung a inkhel thei dawn lo. Paris Saint-Germain forward hian Champions League quarterfinal-ah Atalanta a hmachhawn thei dawn lo a, tun kar tawpa khelh tur League Cup final a khel dawn lo bawk.

French Cup final an khelh ṭumin Mbappe hi a ball khalh lai tihtluk a ni a, inkhel chhunzawm thei loin thlak nghal a ngai. Inkhelh tawp hmain tiang nen stadium-ah a rawn lut leh a, a hliam a nat avang hian a chawlh a ngai dawn tih a lang nghal.

France international dinhmun tak hi endik niin, a chawlh chen tura an rin pawh an tarlang ta a ni. PSG-in Champions League semifinal an lut a nih chuan an player duhlai hi chhawr theih an inbeisei ang. Season kal laiah Mbappe hian inelna hrang hrangah goal 30 a khung bakah a ṭhiante tan vawi 18 a siamsak bawk. A goal khung leh assist zinga panga ve ve chu UCL-ah a ni a, quarterfinal a khel thei lo tur hi Paris club tan chuan channa lian tak a ni.

PSG hi striker Edinson Cavani-a'n a contract a pawhsei loh avangin club a chhuahsan tawh a, forward Neymar leh striker Mauro Icardi te chu Lyon leh Italian club laka an hmachhuan tur an ni dawn.