Mizoram Lockdown (inkharkhip) Ni 129

Manchester United attacking midfielder Juan Mata-a'n Premier League a pan hmain Spanish football-ah a hming a chher a, Valencia tan season li khelin league match 129-a khelhsakah goal 33-a khung. 

Real Madrid academy aṭanga inzirchhuak Mata hian Real reserve team-ah a career ṭanin 2006-07 season khan Segunda division a khel a, kum 2007-ah Valencia a pan zui. Valencia tan Copa del Rey nomawi a chawi hnuah kum 2011 khan Chelsea a zawm a, Blues-ah hian season thum a khelh chhungin inelna hrang hrangah match 135-a inlansak - goal 33-a khung a, FA Cup (1), Champions League (1) leh Europa League (1) ah a champion. 

Kum 2013-ah Manchester United a zawm a, Red Devils tan vawiin thlengin inelna hrang hrangah match 252-a khel a, goal 48-a khung. Old Trafford-ah FA Cup (1), EFL Cup (1), FA Community Shield (1) leh Europa League nomawi a chawi. Spain tana vawi 41 inlana goal 10 khungtu Mata hian World Cup 2010 leh Euro 2012-ah champion nomawi a chawi a, mak takin league-ah erawh eng club tan mah a la champion lo thung.