Lakers ngam loh Rockets

Nimin zing NBA reguar season inkhel hmuhnawm takah Houston Rockets chuan Los Angeles Lakers 121-111 in an hneh a, team pahnihte hi Western Conference lamah ropui zawk nih inchuhin an inel chho zel dawn niin a lang.

Staples Center-a inkhelah Rockets tan hliam dam hlim Russell Westbrook chu an chakna hnar a ni, ani hian court chhungah minute 37 hun a hman chhungin point 41 zet a nei hman; Eric Gordon, James Harden leh Robert Covington te an chetṭhat bawk avangin dan theih an ni lo.

Lakers lamah point 32 neitu Anthoni Davis chu point hmu hnem ber a ni, player ṭha LeBron James-a'n nidang phak lo mah se point 18 chu a nei tho. Amaherawhchu Lakers chak nan player pahnih hnathawh ropui hi a tawk zo lo a ni.