Vawiinah MBBA Cup semifinal

Mizoram Basketball Asso­ciation buatsaih MBBA Cup 2017 chu a hmawr bawk a hnai ta. Vawiin tlai dar 5:00 hian semifinal match hmasa zawk­ah Mizoram Super League cham­pion lai Mission Veng Vikings leh Zarkawt BCA an inhmachhawn dawn a; match hnuhnung zawkah Khatla TBL leh Tuikual South an inkhel bawk ang.

Thawhlehni zan khan Hawla Indoor Stadium-ah league round kharna neih niin BCA hian Tuikual South lakah 75-53 in hnehna an chang a, Matthew Remtluanga Sailo chuan point 20 score-in an chakna thahrui pawimawh a ni. BCA hian sea­son hmasa lama Vikings player ṭha Lalrina Renthlei an laksak a, tun inelnaah pawh an chhawr ṭangkai hle - Tuikhuahtlang tlangval hian semifinal-ah hian a club hlui a hmachhawn dawn a ni.

MSL vawi hnih champion tawh TBL-in tualchhunga basketball inelna lian ber MSL hnuhnung ber final-a an hneh loh Vikings lakah 82-74 a hnehna an chan theih avangin inrintawkna an nei ang. TBL tan hian Gos­pel Ramthanmawia leh Khatla tlangval Eddie Zaithan­mawia ten an khel ṭha tluang viau a, anni pahnih hi Tuikual tana ven ngun ngai tur an ni ang.

Thawhlehni zan Results
Zarkawt Serpents 62 - 77 Republic VR4
Tuikual South 53 - 75 Zarkawt BCA
Khatla TBL 82 - 74 Mission Veng Vikings
Semifinal - Vawiin Inkhel Tur
05:30 PM Zarkawt BCA vs Mission Veng Vikings
07:00 PM Khatla TBL vs Tuikual South