MVA Cup champion Hunthar

Mizoram Volleyball Association (MVA) buatsaih, tualchhung volleyball inelna lian zinga mi GIG Motors MVA Cup 2022 chu Zirtawpni zan khan khelh zawh a ni. Mipa final hmuhnawm takah Hunthar chuan Chhinga Veng hnehin an champion.

Khawzawla inelna neih hi mipuiin an hlut a, entu an ṭhahnem thei hle. Hunthar hian set hmasa ber hloh mah se, a hnuhnung pathum la zawnin 23-25, 25-13, 25-21, 25-22 (31) in hnehna an chang.

Mipa inelnaah hian Hunthar thiampuipa Remsangzela chu best setter atan thlan niin, best spiker atan Chhinga Veng player ṭha Labiakmuana chu thlan a ni thung.

Hmeichhe inelna lamah Kanan chuan Armed Veng Sputh chu 18-25, 25-13, 25-21, 25-17 (3-1) a hnehin an champion ve bawk. Kanan player pahnih FVL Hmuchhuaki (best setter) leh Lalramliani (best spiker) ten mimal lawmman an dawng.