Javelin-ah Mizoram tan silver medal

Athletics-ah Mizoramin hming chher ngai lo mah se North East Olympic games-ah erawh Mizoram silver medal hlawhchhuahna pakhat chu javelin throw a ni - Mizo tlangval Vanlalawmpuia Fanai chuan silver medal a hlawh chhuak.

Chawlhhmun tlangval Vanlalawmpuia hian 46.06 meter-a thui a khawh a, a phak loh Assam javelin thrower hian 50 meter a khawh thung - an inthlauhna a tam lo a, a uiawm hle.

SAI Complex, NEHU-ah Javelin throw neih laiin thli a thaw nasa deuh a, duh angin javelin thrower-ten an theihna an pholang thei tawk lo a, Javelin an hman chu a quality a sang tawk lo niin, javelin thrower-ten an sawi bawk - an duh angin an khawh thei lo.