Bayern tana match 100 khel thei naupang ber Musiala

Bayern Munich-in player danglam bik an nei a, a hming chu Jamal Musiala a ni. Inrinni zan khan Veltins-Arena-ah Bavarians hian Schalke 2-0 in an hneh a, Serge Gnabry leh Eric Maxim Choupo-Moting ten goal an khung a, Musiala siamsak ve ve a ni.

Julian Nagelsmann hoten chetsual lai nei bawk mah se kum tawpah meuh chuan league hmahruaitu an ni a, an champion leh ngei dawn niin a lang. Bayern tana khel ṭha Musiala tan hun bik a ni a, Bayern tana match 100 khelin record ṭha hnutchhiah a nei nual.

June 20, 2020 khan Bayern tan khel ṭanin Bundesliga khel thei naupang ber a ni a, September 18, 20220-ah Schalke lakah goal khungin Bundesliga-a goal khung thei naupang ber (Kum 17 leh ni 205) a ni. Amaehrawhchu he record bik hi chu a khelhpui Mathys Tel (Kum 17 leh ni 136) khan a rawn khum.

Musiala hi kum 19 mi chauh la ni mah se football inelna lian Champions League leh Euro 2020-ah te ṭha takin a khel tawh a, World Cup 2022-ah pawh Germany tan hmun pawimawh a chang pha ang.

November 12, Inrinni
Borussia M'Gladbach 4 - 2 Borussia Dortmund
Augsburg 0 - 1 VfL Bochum
Hoffenheim 1 - 2 Wolfsburg
Leverkusen 2 - 0 VfB Stuttgart
Werder Bremen 1 - 2 RB Leipzig
Hertha 2 - 0 FC Cologne
Schalke 0 - 2 Bayern Munich