Ka nau ten chawlh an mamawh - Conte

Leeds United laka an vanneih hram hnuah Tottenham manager Antonio Conte chuan a nauten chawlh hahdam an mamawh tih a sawi, tun hnaiah club tinin match an khelh hnem avangin an chau tlang hle tih chu a chiang.

Tottenham hian Leeds lakah ṭum thum ngawt si an phur, a tawpah erawh North London club hian 4-3 in hnehna an chang hram a, point thum hlu tak an hlawh chhuak a ni.

Spurs tan hian Rodrigo Bentancur-a'n goal hnih a khung a, striker Harry Kane leh Ben Davis ten an khung ve bawk. Crysencio Summerville-a'n goal hmahruai a khung bakah Rodrigo-a'n Leeds chu vawi hnih hma a hruai pui a, a tawpah erawh an tlarhnung pawp an tuar.

Italian manager Conte chuan, "Match khatah goal thum kan chhuah a nih chuan kan khel chhia tihna a ni, chutih rualin a lehlam zawngin a thlir theih bawk, goal thum chhuah chung pawha kan chak theih dan kha a lawmawm.

"Club lian dangte elphak tur chuan goal chhuah tem a ngai, inkhel khan ngun taka kan thlir a nih chuan ka naute kha an chau, chau chung chunga point thum kan hlawh chhuak hi a lawmawm takzet a ni," tiin a sawi.