Mizote hmuh châk Mizo Inchai Title Fight 2022 kan nghak chhuak ta. Zanin dar 8:00 aṭangin Dawrpui Multipurpose Centre-ah ṭan a ni dawn a, inelna hian zan thum a awh dawn. Mipui hmuh châk ber palian inchai title inchuhna chu November 17, Ningani zanah neih a ni dawn a, title kawltu Lalsangliana leh a chotu Lalnunfela te an inhmachhawn ang.
Ticket man hi Rs 200 leh Rs 500 a ni a, zan khatna leh zan hnihna hi ticket lei tur a la awm. Sangliana leh Fela inchai tur erawh ni thum chhungin ticket a zo nghal vek.
Inelna hi Mizoram Wrestling Association leh Zonet buatsaih a ni a, TV leh phone aṭangin a en theih dawn. Inchai Title Fight en tur hian Rs 100 chawi a ngai a, Zonet Cable Distributor hnenah inhriattir tur a ni. Hemi bakah hian Zonet Empai aṭangin a en theih ang. Pay per View aṭanga sum hmuh 90% hi wrestler-ten an chang ang a, 10% hi Zonet-in an chang thung ang.
Zan khatnaah hian exhibition match pahnih leh title fi ght pahnih dah a ni. Nu laihawl title chu Elizabeth Rohlupuii, Melriat leh Zodinpuii, Lunglei ten an inchuh dawn. 
Pailaihawl title fight-ah Lalmalsawma, Kolasib leh Remruatpuia, Saitual te an inhmachhawn bawk ang. Tun hmain Lammual khatin Mizo inchai thlir turin mipui an fuan khawm ṭhin a, tun ṭumah erawh R. Dengṭhuama Hall a rem loh avangin mi zawng zawng tan a hmunah a kal theih dawn loh - in lum aṭangin TV aṭanga thlir a ṭul dawn.