United lawmna thlentu Garnacho

Alejandro Garnacho hi i la hre lo a nih chuan Manchester United ṭantu zingah chhiar i har tawh ang. A chhan chu maw! Argentine rawlthar hian Pathianni zan khan Fulham lakah injury time-ah goal a khung a, Man United-in 2-1 in an hneh.

Craven Cottage-a inkhelah Christian Eriksena'n minute 14-naah goal hmahruai a khung a, Danish m i d f i e l d e r h i a n B r u n o Fernandes-a cross chu a tlawh lut.

Minute 59-naah Dan James a rawn lut a, James hian a luh aṭanga minute hnihna lekah a club hlui lakah goal khungin siphurh a sut. Fulham-in hma an hruai zui loh nan Man United tan goalkeeper David de Gea a che ṭha a, Spain coach Luis Enrique-a'n en kan mah se De Gea-a'n a tihtur a ṭhulh phah lo.

T e a m p a h n i h a n inhnehtawk ngei dawna a lan laiin Garnacho a rawn inlar a, Argentine winger hian Eriksen-a ball pek chu um lutin goal pawimawh a khung. Garnacho hian season liam ta khan FA Youth Cupah Man United a champion pui a, academy player ṭha ber hnena a hlan ṭhin Jimmy Murphy Young Player of the Year chawimawina a dawng. Tun season-ah Garnacho  hi match riatah a inlan tawh a, a kum la naupang deuh mah se a theihna sang tak hmuh hmaih theih a ni lo.

Fulham laka goal a khung hma hian Europa League-ah Real Sociedad lakah goal a lo khung tawh bawk.Garnacho goal khung zarah United ṭa nt u t e n Krismas nuam takin an hmang thei ang. FIFA World Cup vangin Premier League hi kar ruk chhung chawlh a ni dawn a, December 26-ah inkhel a awm leh chauh ang.

Man United hian point 26 hmuin panganaah an awm mek a, hmahruaitu Arsenal chu point 11-in pha lo mah se Champions League khel pha chin Tottenham chu match khata khel tlem chungin point thum chauhin an pha lo.