Table tennis final-ah Mizo intawng dawn

NorthEast Oympic Games table tennis inelnaah Mizo hming a mawi zel a, Mission Veng tlangval Alberto Lalremruata leh Venghnuai tlangval R. Lalruatsanga ten an khingpui ve ve hnehin final an lut a, Mizo tlangval pahnih hi vawiinah an intawng ang - Mizo tan medal pahnih a chiang tihna a ni.

He tihlai hian mixed doubles inelnaah Alberto leh Lalthansangi Sailo te ṭangdunin final-ah hnehna an chang zo lo a, silver medal-ah lungawi an zir.