Kerala-in Goa an hneh

Indian Super Leagueah Kerala Blasters chuan Pathianni zan khan an mualah Goa 3-1 in an hneh. Jawaharlal Nehru Stadium, Kochi-ah inkhel entu an ṭhahnem a, inkhel boruak pawh a nung ṭha hle.

FC Goa-in bul an ṭan ṭha a, mualneitu fi rst half an khar ṭha thung. Minute 42-naah Adrian Luna-a'n Sahal Samad thawhrah sengin goal hmahruai a khung.

Halftime hma hretin Kerala-in penaly an hmu a, Dimitrios Diamantakosa'n keeper bumin stadiumah thawm a ring hle. Second half-ah Kerala bawkin bul an ṭan ṭha a, Ivan Kalyuzhnyi-a'n minute 52-naah box pawn daih aṭangin kawh zetin a pet goal - goal ropui a tling.

Minute 67-naah Noah Sadaoui-a'n Goa tan a tauh goal a, mikhual team-in beiseina thar nei mah se goal dang a luh belh tawh lo. Mizo tlangval Lalṭhathanga Khawlhring (Puitea) chu Kerala tan second half-ah a lut.