PSG-in goal an surtir

Ligue 1-ah PSG an ṭha fal tih a lang zel a, Pathianni zan khan PSG hian Auxerre 5-0 in an sawp. Parisians tan hian Kylian Mbappe, Carlos Soler, Achraf Hakimi, Renato Sanches leh Hugo Ekitike ten goal khat ṭheuh an khung.

FIFA World Cup-a France innghahna tur Mbappe a khel tluan a, Lionel Messi leh Neymar te erawh minute 75-naah an thlak. Messi leh Neymar te an chhuah hian 3-0 a ni tawh a, manager Christophe Galtier tan hlauhthawn tur a awm tawh lo.

PSG manager Galtier chuan, "Club-in Veratti hi contract thar ziahpui a tum a, kan ruahmannaah a tel. Amah pawh Paris-ah a hlim," tiin Italian midfielder Marco Verratti chungchang a sawi. Kum 30 mi Verratti contract neih lai hi kum 2024-ah a tawp dawn a, Jun 2026 thleng contract ziahpui turin hma an la mek.