G90's-in Civil Hospital ṭanpui

Mizo footballer hranghlui intelkhawm G90's chuan November 11, Zirtawpni khan Serchhip Sports Complex-ah Serchhip Veteran Union nen Serchhip Sub Headquarters YMA programme-ah Charity Match an khel a, 3-2 in hnehna an chang.

Charity Match aṭanga sum hmuh zawng zawng hi Serchhip Civil Hospital 'Poor Fund'-ah chhunluh a ni. Medical superintendent Dr ZD Lalmuanawma (Muantea) chuan, "Poor fund-ah hian pawisa kan nei mumal tawh lo. Damlo puih ngai an ṭhahnem si a, poor fund-a pek nachang footballer hruaitu kan nei hi kan lawm hle a ni," tiin a sawi.

G90's hian kalphung felfai tak an nei a, charity match hlawhtling takin Lunglei, Champhai leh Kolasibah te an nei tawh. G90's chairman HF Lalrinpuia chuan, "Pathian min awmpuina avangin kan lawm. Football hmangin Pathian rawngbawl hna hi kan chhunzawm zel ang. Genesis 12:1-3 hi kan innghahna a ni a, football hmanga rawngbawl turin district dangah pawh kan kal zel ang," tiin Vanglaini a hrilh.