MBBA CUP 2017 Final Zarkawt BCA vs Khatla TBL

Mizoram Bas­ketball Asso­ciation buatsaih MBBA Cup 2017 chu zanin dar 7:00 hian Hawl Indoor Stadium, Republic Vengthlangah a hmawr bawk a ni dawn, tual­chhung club ṭha pahnih Zarkawt BCA leh Khatla TBL ten nomawi an inchuh ang.

Ningani zan khan semi­final khelh niin match hma­sa zawkah Mizoram Super League champion lai Mission Veng Vikings chu Zarkawt BCA lakah 98-85 in an tlawm; Zarkawt club hian an la champion ngai lohna hmuna nomawi chawi tur chuan MSL hnuhnung ber semifinal-a anmahni nek chhuaktu TBL an hneh leh a ngai dawn.

Semifinal hnuhnung zawk­ah MSL vawi hnih champion tawh Khatla TBL leh champion lai Tui­kual South intawngin an inhnehtawk leh hle, Over Time khelh hnuah MBBA Cup vawi hnih champion tawh TBL hian an tawn hriat neih ṭhat chhawr ṭangkaiin 92-85 in hnehna an chang. TBL hian an coach leh player ni kawp H. Laldinsanga chu India team training a pek avangin an chhawr thei lo a, MSL season hmasa ber MVP Mapuia tel loin BCA lakah fiahna hautak an hmachhawn dawn a ni.