Foxes hmachhawn turin Aguero a dam

Zanin dar 8:30-a Leicester City lenchilh tur Manchester City striker Sergio Aguero chuan Foxes hmachhawn tura a inpeih tawh thu a sawi. Kum 29 mi stri­ker hi Argentina-in friendly match-a Nigeria 4-2 ngawta an ngam loh ṭumin a thawk lam­ah harsatna a tawh avangin damdawi-inah hruai a ni.

Mahse, Aguero chuan a dam ṭhat leh tawh thu sawiin, "Foxes hmachhawn turin ka inpeih tawh. Damdawi-ina ka hriselna dinhmun en a nih khan keimahah thil hlauhthawnawm engmah a awm loh thu an sawi a ni," a ti. City chuan an player dinhmun hi a ṭhat thu an sawi ve bawk a, doctor-ten uluk taka an enfiah hnuah an haw tir thu an sawi.

Aguero hi a chuanna taxi chetsual vanga a inhliam reng hnuah tun hnaih a lo kir leh chauh a, hetichung hian City tan tun season-ah inelna hrang hrangah match 12 inlanin goal 10 a khung.