MBL group A dinhmun hriat zan

3rd Hrangbana Memorial Mizo­ram Badminton League group A aṭanga semifinal lut tur chu zanin hian a chiang dawn.

Electric Veng Hall-ah zanin dar 8:00 hian Tuikual Shuttlers (6 pts) leh Zotlang Rockets (6 pts) point ruk ve ve hmu tawh mah se nizana Brig & Mrs T Sailo, Kanan (4 pts) leh Hlimen Shuttlers (4 pts) inkhel result leh an intawn hun a fuh loh avangin team pakhat zawk hi tla thei an la ni.

Tuikual lam tan ṭum hnih chhan­dam tawhtu Samuel Lalnunmawia a pawimawh leh dawn. Zotlang result ṭha neihna chhan junior player Kiran B leh Samuel-a hi men's singles 2-ah an intawng a nih chuan a hmuhnawm khawp ang.

Zanin inkhelh dan tur indawt chu MD, MS-1, XD, MS-2 leh U19 BS a ni ang.