Klopp-a'n training a zawm

Liverpool boss Jurgen Klopp chuan Nilainia dam lohna avanga damdawi-in a pan hnuah Ningani aṭang khan club training a zawm leh tawh a, nimin khan Melwood-ah a team training a neihpui.

Klopp hi Nilaini khan damdawi-in ah a in entir a, admit ni chiah lo mah se a hriselna dinhmun chu a khat tawka entir reng turin tih a ni. Ningania Liverpool training-ah hian Jordan Henderson leh Adam Lallana te chuan club training an zawm ve leh bawk a, player pahnih hian full training an nei thei.

West Ham laka 4-1 a hnehna an chan ṭuma hliam vanga inlan thei lo leh England tana Germany leh Brazil pawh hmachhawn thei Hendo-a'n zanin dar 8:30-a league match-ah Southampton an hmachhawn hunah a hmel a lan thei tawh tura beisei a ni a, August thla hnua inlan leh Adam Lallana-a'n dam lam pan mah se substitute bench aṭanga tlan luh chu beisei san theih ber ni rihin a lang.