Football ngaihtuah a hun - Emery

Paris Saint-Germain head coach Unai Emery chuan khawvela player manto ber Neymar chu a chhehvel boruak ringawta buai loin football tak a ngaihtuah a hun tawh thu a sawi chhuak.

Pound maktaduai 200 zet senga Barcelona aṭanga an lakluh Neymar hian PSG tan match 12 a khelhah goal 11 a khung tawh a, tun hnaiah Emery nen an boruak a ṭha tawk lo nia sawi a awm a; Brazil captain hi Real Madrid nen sawi zawm a ni leh hman der tawh.

Spanish manager Emery chuan, "Neymar chauh ni loin player dang tan pawh club thar leh coaching staff thar neih chu thil a danglam

ṭhin. A theihna sang ber lanchhuahtir tur chuan a chhehvel boruak a zirchian hmasak a ngai a, tunah chuan hmalam pan turin football kan ngaihtuah ber a ni tawh ang," tiin a sawi.

French Ligue 1 hmahruaitu PSG hian zanin dar 9:30 hian Nantes an mikhual ang a, champion lai AS Monaco chuan nizan khan Amiens SC an hmachhawn a, he thu buatsaih lai hian result kan hre hman lo.