Sindhu chiah a dam ta

Badminton China Open Super Series Premier khelh mekah Indian shuttler zingah PV Sindhu chiah a dam tawh. Saina Nehwal leh HS Prannoy te chuan last 16 an paltlang zo ta lo a ni.

Ningani inkhelah Rio Olympic silver medalist Sindhu hian Chinese tleirawl Han Yue chu 21-15, 21-13 in a hneh a, seeded pahnihna Sindhu hian harsatna nei loin quarterfinal a lut - khawtual nula Gao Fangjie nen semifinal hmun ruak an inchuh leh dawn.

Shanghai-a inkhel dangah Saina Nehwal chu world number 4 Akane Yamaguchi lakah 21-18, 21-11 in a chak lo, kumin chhungin Saina hi Japanese star lakah hian vawi li a tlawmna chiah niin a ngam lo hle.

Mipa singles lama India medal beiseina pawh a tawp. National Senior champion hlim Prannoy chu Chinese shuttler Cheuk Yiu Lee hmaah 21-19, 21-17 in a tlawm. Saina leh Prannoy hi hi tun dinhmunah world number 11 ve ve an ni a, season kharna Super Series Finals khel phak tura an beiseina a chau ta hle.