Zanin dar 8:00-ah Siaha Vs Mission Veng

3rd Hrangbana Me­morial Mizoram Bad­minton League-ah zanin dar 8:00 hian Southern Acers, Siaha (7 pts) leh Mission Veng (7 pts) te an inkhel dawn a, Electric Veng Hall-a in­khel tur hi group B hmahruaitu inchuhna a ni thei ang. Tlai dar 5:00-ah Chanmari Evening Stars (4 pts) leh Champhai Ralte Villa BC (2 pts) an inkhel bawk dawn a, Chanmari tan semifinal luh theih dan a la awm.

Mission Vengin Zir­tawp zanah Champhai 4-1 in an hneh. MSV dinhmun ṭha taka an din theih nan Hlimen rawlthar K. Lalmalsawma chuan John VL Hruaitluanga chu match nganaah a hneh a, player of tie a thlan a ni. Zanin hian Malsawma (MBA - 8) hian amah aia ranking sang Siaha aiawh Lalnunhlua (MBA-2) lakah fiahna hau tak zawk a hmachhawn ang.

Siaha leh MSV point hmuh zat a inang chiah a, zanina chak zawk hian semifinal-ah group A pahnihna Tuikual Shuttlers an hmachhawn ang a, a chak lo zawk pawh a tlawmna a tam a nih ngawt loh chuan group A pakhatna Zotlang Rockets nen final luh an inchuh bawk dawn a ni.

Match sequence hi MS-1, U19 BS, MD, XD leh MS-2 a ni ang.