Roger Federer a chak lo

ATP Fianls khelh mekah vawi ruk champion tawh Roger Federer chu final lut zo loin a tla. Zirtawpni zan khan Swiss thiampuipa hi David Goffin lakah a chak lo a ni.

O2 Arena, London-a inkhelah Belgian tlangval Goffin hian set a hloh hmasak zet hnuah 2-6, 6-3, 6-4 in hnehna a chang let thei, Federer nen hian vawi sarih an intawn tawhah a chak ni hmel hmasa ber a tawng.

Kum 36 mi Federer chuan, "Indoor a ni a, a hmun hi inkhelh nuam ka tihna hmun a ni bawk. Ka hun ṭha ka chhawr

ṭangkai theih miau loh avangin a chak lo zawk ka nih a ngai," a ti. Federer hian Grand Slam nomawi 19 a chawi tawh a, Open Era chinah ani aia mipa single player hlawhtling an awm lo.

Semifinal leh lamah Grigor Dimitrov chuan seeded pariatna Jack Sock chu 4-6, 6-0, 6-3 in a hneh ve bawk. Nizan khan Goffin leh Dimitrov nen nomawi an inchuh zui nghal a, he thu buatsaih lai hian result kan hre hman lo.