MBBA Cup champion Zarkawt BCA

Mizoram Basketball Association hnuaia inelna ngaihhlut MBBA Cup 2017 chu Inrinni zan khan Hawla Indoor Stadium-ah a hmawr bawkna neih a ni a, Zarkawt BCA chuan Khatla TBL lakah 74-69 a hnehna changin a vawi khat nan an champion.

BCA hian final lut tur hian Mizoram Super League champion Mission Veng Vikings chu 98-85 in an hneh tawh bawk a, tun hnaiah tualchhung team ṭha an nih zia lantir nan MSL vawi hnih champion tawh leh MBBA Cup vawi hnih champion tawh ni bawk TBL lakah pawh an talbuai lo.

TBL hian an coach leh player ni kawp H. Laldinsanga chu India team coaching a pek avangin an chhawr thei lo, Saron Veng tlangval Mapuia tel loin Tuikual South paltlang thei mah se MSL hnuhnung ber semifinal-a an hneh tawh lakah boruak sang tak an hmachawn laiin an talbuai a, a tlawm zawkah an ṭan a ngaih phah.