Mahuma Memorial I Div Ramhlun Venglaiin Gorhka an ngam

Mahuma Memoria 1st Division Cricket Tournament chu Inrinni khan khelh chhunzawm a ni a, Ramhlun Venglai CC chuan wicket liin Gorkha CC an hneh.

Suaka Cricket Ground, Sihhmuia inkhelah Gorkha CC an bat hmasa zawk a, over 34.2-ah run 106 siamin an out fai vek - Ramhlun bowler Joseph Lalthankhuma chuan over riat a vawmah run 13 chiah pein wicket thum a la.

Ramhlun lamin an bat tirhin awlsam taka wicket an hloh ṭhin avangin an target tam lo tak hi an umpha dawn lo niin a lang hman a, mah se Remruatdika (33) leh Robert Lalfamkima (17) ten pangngai taka rawn batin over 32.5-ah an target an umpha a, wicket ruk chiah hlohin hnehna an chang.

Inkhel Result
Ramhlun Venglai (107/6) bt(4 wkt) Gorkha (106/10)
Vawiin Inkhel Tur
09:30 AM Zarkawt Lords vs Zemabawk Pitchers CC