World Cup atan Bale a inpeih ta

Wales captain Gareth Bale chuan World Cup khel turin 100%-in a inpeih tih a sawi. Wales hian kum 1958 hnua a vawi khat nan football inelna lian ber an khel ve leh dawn a, player mai bakah ram mipui an phur hle.

November 21, Thawh-ṭanni hian an match hmasa ber atan Wales hian United States an hmachhawn dawn, chumi hnuah group B-a an awmpui Iran leh England te an hmachhawn leh dawn a ni.

Kum 33 mi Bale chuan, "Ka inpeih takzet tawh a, minute 90 chhung inkhel turin ka inringtawk, ka khel ngei bawk ang. A nihna takah chuan tun hnaia hliam ka neih leh avang khan rilru pawh a buai hman ve hle.

"Hliam hi chuan taksa mai bakah rilru pawh a nghawng. Player ṭhenkhat hliam vanga World Cup khel thei lo turte dinhmun hi ka hriatthiampui viau, an rilru na takin a nghawng ngei ang," tiin a sawi.