Badminton-ah Mizo tan bronze pahnih

Mizoram badminton team-in beiseina sang tak nen Shillong khawpui pan mah se bronze medal pahnih chiah an hlawh chhuak a, Men's doubles leh Mixed doubles-a bronze an hlawhchhuah tih loh chu inchhuanna tur an nei lo.

Men's Doubles-ah hian Lalrinawma leh Laldintluanga Tlau te chuan bronze medal an hlawh chhuak a, mixed doubles-ah Lalrinawma leh F. Vanlalhriatpuii te inkawpin bronze an hlawh chhuak bawk.

Mizoram manager Lalrinawma chuan, "Kan beisei angin thil a kal lo. Gold medal hawn ve inbeisei kan ni a, mahse, shuttlecock-ah yonex hmang tura hrilh kan nih laiin, 'li ning' kan hmang leh ta thut a, harsa kan ti," tiin Vanglaini a hrilh.