Judo-in medal 11 an hawn

Mizoram Judo team chuan nimin khan NE Olympic Games inelna chu an hmang zo a, inelna neih chhungin medal 11 zet an hlawh chhuak - gold medal hlawhchhuah erawh an nei lo.

Mizoram aiawha feh chhuak Judo player zingah Lalnunfeli (63kg), Lalkimkimi (+63kg), Lalchungnunga (73kg) leh R. Lalhrezuala (+73kg) ten inelna an hmachhawn a, bronze medal vek an hlawh chhuak a ni.

Judo coach Lalrimawia chuan, "Kan player tha exam neih vanga hruai theih loh kan nei a, chu chu kan tuar. Hmarchhak state dang hian hma an lo sawn hrim hrim bawk, " a ti a, Judo-ah Mizoramin hmasawn an mamawh thu Vanglaini a hrilh.