Boxing-ah Mizoramin medal 16 an la

Mizoram Boxing Association (MIZBA)-in NorthEast Olympic 2022-ah boxer 17 an tir a, medal 16 an hlawh chhuak. Mipa lamah Republic Veng tlangval Zochhuanawma Fanai bakah Tuipui boxer pahnih Zorammuana leh Lallawmawma ten gold an la a, hmeichhe lamah Lawngtlai nula pahnih Rudy Lalhmingmuani leh Lalthuthlungdiki ten gold an hnek chhuak bawk.

Mizoram aṭangin mipa boxer pakua leh hmeichhe boxer pariatin Shillong an pan a, pakhat chiahin medal a hlawh chhuak lo. Mipa boxer pakua aṭangin boxer pathumin gold an la a, boxer paliin silver lain boxer pahnihin bronze an la bawk.

Hmeichhe boxer pariat aṭangin pahnihin gold an la a, pathumin silver lain, pahnihin bronze an la a, pakhat a vanduai thung. Boxer 17 aṭangin boxer 16 zetin medal an hlawh chhuak hi MIZBA tan chanchin lawmawm a ni.

Mipa an che ṭha
Mizoram mipa boxer pasarih ngawtin final an lut a, gold pasarih lak theihna a ni. Bout hmasa berah Tuipui tlangval Zorammuana (48-51kg) chuan Manipur boxer P Jackson Singh chu split decisionin a hneh. 51-54kg-ah erawh Lalruatfela'n M a n i p u r b o x e r P K i n g s o n Singh a hneh lo. Tuipui boxer Lallawmawma'n Arunachal boxer Guruk Pordung chu unanimous decision-in a hneh a, gold pahnihnaa hnek chhuak.

Haulawng tlangval Lalnunzira leh Lunglei Bazar Veng tlangval Lalnunpuia te an khingpui laka an vanduai hnuah Republic Veng tlangval Zochhuanawma Fanai-in Arunachal boxer Merge Gara chu unanimous decision-in a hneh. Mipa inhnek tawp berah Muthi tlangvalMalsawmkima a vanduai thung.

Mipa boxer pathum Zorammuana, Lawmawma leh Zochhuana ten gold an hnek chhuak a, silver pali bakah bronze pahnih an la bawk. Bronze medal latute hi Freddy Lalchhantluanga (College Veng) leh Manarsuk Chakma (Vaivakawn/Zohnuai) te an ni.

A tawp khar ṭha
Hmeichhe lamah inhnek hmasa pathum Lalrinchhani Pautu, TC Lalremruati leh MC Vankimmawii te an vanduai vek a, gold pathum hlawhchhuah theihnaah silver pathum an hlawh chhuak.

Bout hnuhnung pahnihah Mizoram hun a thleng ta a, Rudy Lalhmingmuani'n Manipur boxer N. Bindiya Devi chu unanimous d e c i s i o n - a r a w n h n e h i n Lalthuthlungdiki'n Manipur boxer tho TH Alena Devi chu unanimous decision bawkin a rawn hnehve bawk.

Hmeichhe inelnaa bronze latute hi Lalbiaknii (50-52kg) leh Lalremsiami (48-50kg) te an ni.