Aizawl FC lakah Trau an ṭang tluan

Nimin khan Aizawl FC-in tun season atana I League match hmasa ber chu RG Stadium-ah an khel a, player 10-a khel chungin Trau nen 1-1 in an hneh tawk. Mizo club vanneih ṭum ni se, player tlem zawka khel chung pawhin chak ngei tur an ni.

RG Stadium-a inkhelah Standly Rosario-a'n foreigner pali Henry Kisekka, Eisuke Mohri, Matías Verón leh Emmanuel Makinde te bul a ṭantir a, goalkepeer-ah Maharashtra keeper Vikram Lahkbir Singh-a'n bul a ṭan bawk. 

NorthEast Derby a nih ang ngeiin inkhel a nung a, goal chance pawh a tam. Minute 18-naah Poku cross ṭha zet chu Bikash Singh-a'na khung a, Trau-in hma an hruai.

Second half-ah Aizawl FC an insiamrem a, an goal bawh a na sawt. Chutihrualin an goal khung danah erawh vanneih a tel. Midfi elder K.Lalrinfela (Mafela) ball pet artificial turf-ah sawt kawiin Trau keeper Loitongbam Singh-i'n a man sual.

AFC-in goal a luh hnuah na takin an nawr a, keeper Loitongbam a chesual nawn tawh lo a, AFC striker Kisekka a vannei tawk lo bawk. Goal khungtu Mafela a hmuhnawm a, a phu ang ngeiin man of the match-ah an thlang.

Argentine midfi elder Veron chu minute 78-naah hnawh chhuah a ni a, AFC-in player 10-in an khelh phah. Trau pawhin goal khungtheihna chance nei bawk mah se player 10-a khel chungin Mizo clubin goal khung belh an phu. Mahse, goal hmaah an vannei lo a, 1-1 inan inhnehtawk.

Thawhṭanni zan inkhelah erawh Mizo tlangval Samuel Lalmuanpuia goal hmangin RoundGlass Punjab-in Sreenidi Deccan 2-1 in an hneh thung.