Vawiinah Inter district sub junior

Mizoram Football Associa­tion buatsaiha neih Inter Dis­trict Football Championship chu vawiin chhun dar 12:00 hian Chhangphut Field, Champhaiah khelh ṭan a ni dawn a, December 1-ah final khelh a ni ang.

Kum 14 hnuai lam inelnaah hian disctrict tin aṭangin team an tel kim vek dawn a, team pariat chu Group A leh B-ah ṭhen hran an ni. Group A-ah hian Aizawl, Kolasib, Siaha leh Serchhip te an awm a, Group B-ah Lunglei, Mamit, Lawngtlai leh inelna thlengtu Champhai an awm thung.

Champhai District Football Association-in an thlen inelnaah hian group-a awm team te hi an intum kual ang a, a sang pahnihin semifinal an lut dawn a ni.

Vawiin Inkhel Tur
12:30 PM Aizawl vs Kolasib
2:30 PM Siaha vs Serchhip