Zanin aṭangin MVA Tourney

Mizoram Volleyball Association buatsaih Invitation Tournament 2017 chu Tuikual Indoor Stadium-ah khelh ṭan a ni dawn a, match hmasa ber atan zanin dar 7:30 hian MVA Season Opening Tournament champion TNT VC leh 2016 MVA Invitation Tour­nament champion Chhinga Veng VC ten an khel dawn a ni.

Kumin Invitation Volleyball Tour­nament-ah hian MVA Pro Division Club paruk - TNT, Anastasia, Hunthar, RSC, Durtlang North leh Chhinga Veng te bakah state pawn aṭangin BSF M&C leh ARC Shillong ten an khel dawn a ni. Team pariat te hi group pahnihah ṭhen hran an ni leh a, an inkhelh kual hnuah a sang pahnih ten semifinal an lut ang.

Inelna league round hi November 27-ah zawh hman tur niin zanin bak hi chu nitin tlai dar 4:00 leh dar 7:30-ah match a awm ṭhin ang, inkhel en man Rs 20 niin ticket hi lucky ticket a ni nghal zel dawn a ni.

Zanin Inkhel Tur
07:30 PM TNT vs CVC
Nilaini Inkhel Tur
04:00 PM DTN vs ARC
07:30 PM AVC vs BSF