Sportsperson of the Year Srikanth

Sanjeev Goenka leh Virat Kohli foundation te ṭangkawpin a vawi khat nana an buatsaih Sportsperson of the Year Award chu nimin khan sem niin badminton star Kidambi Srikanth kutah hlan a ni.

Kum 24 mi Srikanth hian season duhawm a hmang, Indonesia, Australia, Denmark leh French Open nomawi chawiin Indian shuttler zingah season khat chhunga Super Series title pali la thei hmasa ber a ni a, khawvel huap pawhin mi pali chiahin a tih ang hi an la ti thei.

World number 2 Srikanth hi kar hmasa a khelh China Open-ah a inlan lo a, tunkar a khelh tur Hong Kong Super Series-ah inlan a tum thu sawi mah se chawlh a duh avangin a inlan dawn ta lo. December thla a khelh tur Dubai Super Series final atan inbuatsaih a duh zawk vang a ni.