Mahuma Memorial I Div Zemabawk chunga leng Zarkawt Lords

Mahuma Memorial 1st Division Cricket Tournament-ah nimin khan Zarkawt Lords chuan run 41-in Zemabawk Pitchers an hneh - nimina inkhel hi pitch lam chian loh avangin over 40 khelh turah over 32-ah tih

hniam a ni.

Toss a vannei zawk Zemabawk Pitchers-in vawm hmasak an thlang a, Zarkawt Lords bat hmasain bul an ṭan ṭha hle - Zahir Uddin chuan run 105 ngawt siamin century a vaw chhuak a, run 43 siamtu Darremsanga chuan a thlawp ṭha viau bawk. Zarkawt hian over 32 an bat meuh chuan run 202 an siam a, wicket thum chiah an hloh.

Zemabawk lamin target hautak an nei tih hriain theihtawp chhuah tum mah se Zarkawt Lords fast bowler Partha Pratim chuan over 6.5 lek a rawn vawmah run 15 chiah pein wicket ruk a rawn la - Zemabawk mualpho lutuk tur khuh nan Zonunsanga chuan run 68 rawn vaw chhuak mah se a team erawh a chhanhim zo bik chuang lo a, over 30.4-ah run 161 siamin an out vek.

Nimin Inkhel Result
Zarkawt Lords (202/3) bt (41 runs) Zemabawk Pitchers (161/10)
Vawiin Inkhel Tur
09:30 AM Tlangnuam CC vs Chanmarians CC