An ramah Long a champion

Chinese tlangval Chen Long chuan world number 1 Viktor Axelsen hnehin a vawi li nan China Open Super Series nomawi a chawi. Pathianni khan Olympic champion Chen Long hian Denmark tlangval lakah hian 21-16, 14-21, 21-13 in hnehna a chang.

Kum 23 mi Axelsen-a'n season duhawm a hmang a, World Championship-ah pawh amah khing zo a tawng lo. China-ah pawh hian rinkai ber te zinga mi a ni, nomawi inchuhna inkhelah erawh darkar khat leh minute 22 an inkhelh hnuah a tlawm zawkah a ṭang.

Seeded parukna Chen hian Axelsen nen vawi kua an inhmachhawn tawhah vawi riat hnehna a chang chiah a, kum 2013 hnua a vawi khat nan an ramah ngei ropuina a chang leh ta a ni.

Hmeichhe inelna lamah Japan nula Akane Yamaguchi chuan khawtual nula Gao Fangjie lakah minute 41 chhungin 21-13, 21-15 in hnehna a chang, a vawi khat nan Super Series title a la ve chiah.