Sub Junior Inter District Kolasib-in Aizawl an ngam nghal

Mizoram Football Associa­tion hnuaia Sub Junior Inter District Football Championship vawi 13-na chu nimin khan Chhangphut Field, Champhaiah khelh ṭan a ni. Match hmasa berah Kolasib chuan 3-0 in Aizawl an sawp nghal a, Lal­thangliana'n goal hnih khungin Lawm­zuala'n goal khat a thawh ve bawk.

Match hnihnaah Siaha-in hnehna chang turin harsatna an tawk lo a, chawlhlawk hman a nih hmaa an goal hnih khung hmangin Serchhip chu 2-0 in an hneh - Siaha goal hnih hi Elson Apawlawsa leh Denis N Lalnunmawia te khung a ni.

Champhai DFA-in an thlen inelnaah hian district pariat an inlan kim thei a, Group A-ah Aizawl, Kolasib, Siaha leh Serchhip te awmin Group B-ah Champhai, Lunglei, Lawngtlai leh Mamit an awn a, an inkhelh kual hnuah group pahniha a sang pahnihin semifinal an lut ang.

Nimin Inkhel Result
Kolasib 3 - 0 Aizawl
KLB : Lalthangliana 32',52'; Lawmzuala 49'
Siaha 2 - 0 Serchhip
SIA : Denis N Lalnunmawia 7'; Elson Apawlawsa 18'
Vawiin Inkhel Tur
12:30 PM Lunglei vs Mamit
02:30 PM Lawngtlai vs Champhai