Hong Kong lamah Sindhu

Olympic silver medallist PV Sindhu chuan tun hnaia tournament a zawna panga a khelhna ni turin tun kar chhunga khelh tur Hong Kong Open Super Series-ah a inlan dawn.

Kar hmasa khan Sindhu hian China Open a khel a, khawtual player Gao Fanjie a hneh loh avangin final a lut zo lo. Indian nula hian round hmasa pahnih a paltlang thei a nih chuan quarterfinal-ah China Open champion hlim Akane Yamaguchi a hmachhawn a ngai ang.

Mipa singles lama India chhuanvawr Ki-dambi Srikanth chuan China Open khel lo mah se Hong Kong-ah inlan a tum thu a sawi tawh. Amaherawhchu, world number 2 Srikanth hi a tihrawl na a la damchian loh avangin chawlh a la duh a, a la inkhel rih dawn lo.

Indian shuttler langsar zingah world number 1 hlui Saina Nehwal leh HS Prannoy te an inlan dawn. World number 10 Prannoy hian a match hmasa ber atan tualchhung player Hu Yun a hmachhawn dawn a, world number 11 Saina pawhin Denmark nula Mette Poulsen a bitum nghal dawn a ni.