Mahuma Memorial I Div Tlangnuam tan Chanmarians an sang

Mahuma Memorial Cricket Tournament round thumna chu nimin khan khelh a ni a, Chanmarians chuan Tlangnuam chu wicket sarih ngawtin an sawp.

Ṭhum vawra vannei zawk Tlangnuamin vuak hmasak thlang mah se an beisei ang erawhin an khel chhuak lo - over 36.5-ah run 99 chiah an siam tihin an out vek. Chanmarians slow bowler Lalhmingliana chu Tlangnuam batsman ten an ngam lo a, over 6.5 a vawmah run 29 lek pein wicket li a la thei a ni.

Chanmarians-in an target umpha turin harsatna an tawk lo - over 19.2 lekah an target hi an umpha a, wicket thum chiah an hloh. Chanmarians tan hian President's Cup Best Batsman Lalhruaizela'n chuan run 31 siamin a tawp thleng a dam a, run 21 vaw chhuaktu all rounder Reuben Lalhruaizela'n a pui ṭha viau bawk.

Nimin Inkhel Result
Tlangnuam CC: 99/10 (36.5) bt (7 wkt) Chanmarians: 102/3 (19.2)

Vawiin Inkhel Tur
09:30 AM Chhinga Veng CC vs Ramhlun Venglai CC