Wrestling-ah medal 12

Mizoram Wrestling Team chuan North East Olympic Games-ah medal 12 an la a, nimin khan silver medal pakhat leh bronze medal pakhat an lak belh.

Polo Ground, Shillong-a neih inelnaah hian nimin khan RB Lalthansanga chuan 86 kg-ah silver medal a hlawh chhuak a, R. Vanlalnghaka chuan 86 kg-ah bronze medal a hlawh chhuak bawk - Mizoram hian a hmain bronze medal pasarih leh silver medal pathum an lo la tawh bawk.

Mizoram manager P. Lalchamliana chuan, "Kan fit tawk lo a, chu chu kan buaina pakhat a ni. Tin, Mizoramah regular taka training turin hmun kan nei lo a, mat puitling phahna pawh kan nei lo a ni," tiin Vanglaini a hrilh a, hmun hma nei tha se, tun aia result tha zawk nena haw thei an nih thu a sawi.