Messi-a'n World Cup khelh a châk tawh - Argentina coach

Argentina coach Lionel Scaloni chuan, an captain Lionel Messi chu World Cup khelh chakin a za zek zek tawh tih a sawi. South American ram hian vawiinah UAE nen friendly match an khel dawn - Argentina bakah ram dang friendly match pawh India aṭangin enna a awm lo ang.

World champion vawi hnih ni tawh Argentina hian a vawi thum nan champion an tum dawn, an champion hnuhnung chu 1986 kha a ni a, an hlawhtlinna bulpui Diego Maradona chu a thi tawh, an legend thih hnua World Cup an khelh lehna hmasa tur a ni.

Scaloni chuan, "Player tin an phur em em vek, midang ang vawkin Lionel Messi chu World Cup khel chakin a tha a za hle a, mahni ram jersey ngei mai hak hlutna a hriain a ngai hlu hle bawk," a ti.

Argentina hian hliam vangin midfielder Giovani Lo Celso an chhawr thei dawn lo. Scaloni chuan, "Hliam an awm chuan anmahni ang chiaha khel thei an awm tawh ṭhin lo, chuvangin khelh dan tih danglam hret a ngai dawn," tiin a sawi.

World Cup hmain Argentina chuan UAE bak hi an hmachhawn tawh dawn lo. November 22, Thawhlehni hian Qatar World Cup an match hmasa atan Saudi Arabia an tum dawn, chumi hnuah Mexico leh Poland te an hmachhawn leh bawk ang.