Nadal zinkawng a tawp

Rafael Nadal tan ATP Fianls hi chu a harsa a ni, a thiam zual pariat inelnaah Nadal hi a la champion ve miah lo - kuminah pawh group match pahnihah a chak lo a, atan semifinal luhna kawng a ping nghal bawk.

Spanish star hian Thawhlehni zan khan Felix Auger-Aliassime chu 6-3, 6-4 in a hneh lo, a group match hmasa zawkah American player Taylor Fritz a ngam lo bawk, khelh hmabak pakhat a la neihah chak pawh ni se semifinal a lut phak dawn tawh lo.

Grand Slam vawi 22 champion tawh Nadal chuan, "Tennis khelh dan phung ka theihnghilh emawni tih hial tur a ni, ka taksa a chak loh bakah rilru pawh a paukhauh tawk lo hle. Tuna ka awmna aṭang hian harhchhuah nghal ka ngai," tiin a sawi.

Nadal-a'n semfinal a luh theih loh avang hian, world number 1 Carlos Alcaraz chuan a chung bera awm chungin kum tawp a hmang thei dawn tih a chiang nghal. Spanish star hi hliam vangin a chawl mek a, mahse kumin atan a ranking point umphak thei an awm tawh lo.