Match hmasa khel lo tur Mane

Sadio Mane chu World Cup khel tuin a zin chhuak a, mahse a hliam 100%-in a la dam lo - Senegal football federation chuan Mane hi an match hmasa berah an chhawr thei dawn lo tih an sawi chiang.

Bayern Munich tan a inlanna lamah Mane hi a hliam a, an ramin an mamawh em avangin hliam dam chiang lo turin an hruai. Bavarians lam tan ui beh ngawt theih a ni bik lo; World Cup hi chu a boruak a danglam tlat.

Senegal coach Aliou Cisse chuan Mane hi zai a ngai dawn lo tih a sawi chiang tawh. Netherlands (November 21) lakah an chhawr thei lo a nih pawhin, Qatar (25 November) leh Ecuador (29 November) lakah a inkhelh theih an beisei ang.

Senegal football federation (FSF) board member Abdoulaye Sow chuan, "Kan match hmasa berah chuan Sadio tel loa khelh kan zir a ngai dawn a, Sadio tel loa chak dan pawh kan zir a ngai dawn," a ti.