World Cup khel lo tur Nkunku

French federation (FFF) chuan, an forward Christopher Nkunku chu khup hliam vangin Qatar World Cup-ah a inlan thei dawn lo. Training an neihna hmunah RB Leipzig hmatawng hi a inhliam a ni, a hmun ruakah Eintracht Frankfurt striker Randal Kolo Muani chu koh a ni thung.

Video aṭanga a lan dan chuan Nkunku hi Real Madrid midfielder Eduardo Camavinga nen ball an inchuhna lamah a inhliam. World Cup khel tura koh zingah defender Presnel Kimpembe pawh malpui hliam vangin a lo inhnukdawk tawh.

Champion lai France hian an hlawhtlin ṭuma mi pawimawh N'Golo Kante laeh Paul Pogba te an ko thei lo bawk, squad nei chhah viau mah se an tum leh duhthusam ang taka khelh chhuah a harsat phah ang.