Arsenal leh Liverpool te Dubai Tourney-ah tel dawn

Premier League hmahruai mektu Arsenal leh Liverpool te chuan World Cup khelh laiin Dubai-ah inelna an hmachhawn dawn. Dubai Super Cup-ah hian Lyon leh AC Milan te pawh an tel dawn. Chutihrualin English club pahnih te hi an inhmachhawn dawn lo.

Mikel Arteta hote hian December 8-ah Lyong an hmachhawn ang a, December 13-ah Milan an hmachhawn leh ang. Liverpool-in December 11-ah Lyon an hmachhawn ang a, AC Milan nen hian December 16-ah an inkhel leh ang.

Arsenal hi Premier League-ah Man City lakah point ngain an sang zawk a, Boxing Day-ah West Ham nen an inhmachhawn dawn. Reds erawh league-ah paruknaah an awm a, December 22 hian Manchester City nen Carabao Cup-ah an inhmachhawn ang.

Dubai-a match hnih an neih tur hi World Cup khel lo tur Martin Odegaard, Oleksandr Zinchenko, Roberto Firmino, Thiago bakah player dangte tan match fitness neihna kawngah a pawimawh dawn.