Karate-in medal 12 an pet chhuak

Mizoram Karate team chuan NE Olympic Games khelh zawh takah nimin khan silver medal pakhat leh bronze medal pahnih an hlawh chhuak a, NE Games inelna neih zawh takah medal 12 an pet chhuak - silver medal pahnih leh bronze medal 10 an hlawh chhuak a ni.

Nimin, NE Olympic khar niah hian Lalrinzuali chuan senior -68kg ah silver medal a hlawh chhuak a, TC Lalrinsanga (Senior -67kg) leh Laltlanchhuahi (senior +68kg) ten bronze medal ve ve an hlawh chhuak bawk.

Mizoram team coach Malsawmdawngliana chuan, "Kan chet that loh tum a ni a, chhuanlam tur zawn dawn chuan chhuanlam tur tam tak a awm ang a, chutihrual chuan kan vanduai tum a nih vang a ni ve bawk a ni, " tiin Vanglaini a hrilh.