Mizoramin tennis-ah medal paruk la

NE Olympic Games-ah Mizoram team chuan nimin khan men's doubles-ah silver medal an hlawh a, Basil Khuma leh Innocent Lalrindika ten final-ah gold medal beisei mah se hnehna an chan zawh loh avangin silver-ah lungawi an zir.

Mizoram hian Men's team-ah silver medal an lo hlawh chhuak tawh bawk a, Men's singles, Women's doubles, Boys Under-18 Singles leh Boys Under-18 doubles-ah bronze medal an hlawh bawk a ni.

Mizoram manager Stephen Lalhriatpuia chuan, "Hei aia ṭha zawka ti thei kan ni. Mahse, kan innghahna Basil L. Khuma a inhliam a, a ban dinglam a nat avangin a vei lam hmanga a khelh a ngai hial, chu chuan kan nih tur ang pawh min nihtir thei lo a ni," tiin Vanglaini a hrilh.