World Cup draw-ah Maradona

FIFA World Cup 2018 khel tur ram 32 a chiang tawh a, kar leh hian Russia khawpui Moscow-ah draw neih tur a ni. He hunah hian world champion ni tawh ram pariat aṭangin an mi ropui pakhat zel an tir thei dawn a, vawi hnih champion tawh Argentina aiawhin Diego Maradona a inlan ang.

Maradona hian kum 1986 khan an ram a champion pui, Mexio-a inelna neih a nih ṭum hian "Hand of God" hmangin England chu quarterfinal aṭangin an hnawt chhuak - he mi ṭuma England tana striker ṭha Gary Lineker pawh kan hmu dawn.

Kum 56 mi Lineker hian draw hi a kaihruai dawn a, Gordon Banks, Laurent Blanc, Cafu, Fabio Cannavaro, Diego Forlan, Carles Puyol leh Nikita Simonyan te pawh an ram aiawh ṭheuhin an inlan dawn bawk. Germany international hlui Miroslav Klose-a'n stage-ah World Cup trophy a rawn chawi chhuak dawn a ni.