Sub Junior Inter District Champhaiah goal a sur

Chhangphut Field, Champhaia 13th Sub Junior Inter District Football Championship neih mekah nimin khan goal a sur a, match hmasa zawkah Lunglei chuan 7-0 ngawtin Mamit an sawp - Lunglei tan Joseph Lalmuanawma chuan goal thum ngawt khungin hattrick a siam a, player langsar a ni.

Kum 14 hnuai lam inelnaah hian a thlengtu Champhai chuan chak result nen bul an ṭan a, Lawngtlai chu 4-2 in an hneh. Lawngtlai hian si li an phurh hnuah goal hnih dang khung ve mah se an harhchhuah a tlai a, awmzia a nei hman tawh lo.

Lunglei 7 - 0 Mamit

LUN: Joseph Lalmuanawma 13',22',54'; Rosangzuala 64'; own goal 56', 72'; Stains Lalnunfela 67

Lawngtlai 2 - 4 Champhai

LAW: Lalrawngbawla 48', 67'

CHA: Lalfakzuala 1', 30'; Lalremsanga 18'; Thlamuanpuia 43'

Vawiin Inkhel Tur

12:30 PM Kolasib vs Siaha

02:30 PM Serchhip vs Aizawl