Vawiinah MPL Under 18 semifinal

Mizoram Premier League Under 18 semifinal chu vawiin hian Lammualah khelh a ni dawn.

Chawhma dar 11:00-ah league round hmahruaitu Bethlehem Vengthlang leh Chhinga Veng te an inkhel ang a; chawhnu dar 1:30-ah Mizoram Police leh Dinthar FC te an inkhel bawk ang.

Champion lai BVT

Bethlehem Vengthlang hian league round-ah Chhinga Veng hi 1-0 in an hneh tawh a, hneh loh tawng lo awm chhun an nih bawk avangin avangin chak zawk tura rinkai an ni thei ang.

Champion lai BVT hian match 7-a point 17 hmu turin goal 19 an khung a, goal 9 an chhuah a, team ṭha tih hai rual an ni lo. Amaherawhchu an khingpui tur Chhinga Veng hian goal 22 an khung thei a, goal sarih an chhuah a, goal khung tam ber leh goal chhuah tlem ber an ni.

Chhinga Veng player ṭhenkhat hian first division club Zo United tan an khel bawk a, inelna pahnih an khelh kawp avangin an result a

ṭha tawk lo. Semifinal-ah erawh final luh tumin an ṭhat dan berin an khel thei dawn a, Chhingcows ṭha zawk an inlan thei ang.

Vawi 3 champion?

Mizoram Police-in MPL kum bithliah inelnaah nomawi vawi hnih an chawi tawh a, tun ṭumah hian a vawi thum nan chawi leh ngei an tum.

Tualchhung football hre chiang Lalramhluna enkawlna hnuaiah Police hian rawlthar ṭha tak tak an chher chhuak a, MPL3 & MPL4 Under 18 an champion bakah season liam ta khan Chanmari West tan khelin final an lut tawh bawk.

Police hian group stage hnuhnung berah semifinal lut tawh chungin Aizawl FC an pet chhuak a, an khingpui Dinthar FC hi MPL Under 18 final-ah

ṭum hnih an hneh tawh.

Chutihrualin Maimawms hi MPL U 18 hmasa palia final lut vek thei an ni a, season tharah an senior team-in MPL an khelh dawn loh avangin an tan hun hnuhnung a ni thei.

Hei vang hian coach Lallawmkima (Tea) hote hian Police hi hneh ngei an tum a, an player-te an dam kim tawh bawk avangin an inringtawk khawp ang.

Vawiin Inkhel Tur
11:00 AM Bethlehem VT Vs Chhinga Veng
01:30 PM Mizoram Police Vs Dinthar