Pune hmachhawn tur Bengaluru

Premier Badminton League season 5 khelh laia league round hnuhnung ber chu Ningani zan khan khelh zawh a ni a, inkhel hnuhnung berah Bengaluru Raptors chuan Awadhe Warriors chu 5-0 a sawpin semifinal an lut.

Nizan khan semifinal hmasa zawk khelh chhunzawm nghal a ni, hmahruaitu North Wastern Warriors leh pathumna Chennai Superstarz te an inkhel a, result kan hre hman lo. Zanin hian Bengaluru leh Pune 7 Aces ten final luh an inchuh ve leh bawk ang.

Gachibowli Indoor Stadium, Hyderabad-a inkhelah Bengaluru Raptors leh Awadhe Warriors te hian semifinal beiseina an la nei ve ve a, inkhel pawimawh a ni. Bengaluru lam hi men's doubles huanga an chak loh bak chu match dang paliah hnehna chang vekin an chungnung hle.