Aizawl FC mikhual tur champion lai Gokulam

Vawiin chawhnu dar 2:00 hian Aizawl FC chuan RG Stadium-ah I League champion lai Gokulam Kerala an mikhual dawn. Mizo club hi an match hmasa berah Trau nen 1-1 in an inhnehtawk a, Kerala club erawhin Mohammedan 1-0 in an hneh thung.

Season liam ta khan Gokulam hian Aizawl FC hi 2-1 in an hneh a, Mizo club hian injury time-ah siphurh a sut ṭhen ve chauh avangin Malabarians hi an chak chiang. Vawi khat inkhelh kual zawhah Kerala club-in champion tur an zawng a, Mizo club erawhin relegate tur an zawn avangin team pahnih hi vawi khat chiah an inhmachhawn.

Mizo club hian Trau lakah point hnih an hloh tawh a, champion an tum a nih chuan champion lai Gokulam hi an hlauh a thiang lo - mahni mualah chuan point thum an hlawhchhuah a ṭul. Aizawl FC coach Standly Rozario chuan, "Match hnuhnung ber aṭang khan lawmna tur ṭhahnem tak a awm a, player 10-a khel chungin ka naute khan chak tumin an khel. Gokulam lakah pawh hian kan rilru put hmang a la ngai reng a ngai," tiin a sawi a, fans pawimawhzia a sawi lang bawk.

Trau lakah Argentine midfielder Matías Veron hnawhchhuah a nih avangin Gokulam lakah an chhawr thei lo ang. Chutihrualin player dang erawh an dam ṭha a, coach Standly-a'n squad a siksawi fuh chuan tualchhung player ṭha thlan tur a ngah.

Gokulam-in khualmualah khel dawn mah se chak an duh tih coach Richard Towa-a'n a sawi. Towa chuan, "Bul kan ṭha a, match tinah hmasawn kan duh. Inbuatsaihna ṭha tak nen Aizawl kan rawn thleng a, chak kan tum. Aizawl FC-in ṭantu an neih ṭhat avangin a harsa dawn tih ka hria a, mahse ka nauten an ti thei ang," tiin sawi.

Tun hnaiah Kerala-in nasa takin football-ah hma an sawn a, tun hma aṭanga football thiam state an nih bawk avangin player ang chauh ni loin infrastructure ang zawng pawhin state chhuanawm ber zinga mi an ni.

Gokulam hian player pawh an nei ṭha. Foreign player-ah pawh Juan Carlos Nellar an kawl a, kum 28 mi Argentine midfielder hi Nellar hi Argentina bakah Italy, Spain leh Denmark-ah te inkhel tawh a ni. Foreign player dang Aminou Bouba, Boum Somlaga (Cameroon), Vladan Kordic (Montenegro) leh Everton Kaka (Brazil) te pawh hi an tawh a khirh hlawm khawp ang.